Formúluflokkurinn

Formúluflokkurinn er látinn!

2006-04-18T09:44:00.000-07:00

Eftir að Sigurjón Ólafsson, fyrirliði, var sendur í útlegð af íslenskum sveitarstjórnarmönnum er óttuðust um sæti sín, enda lá í loftinu að Formúluflokkurinn tæki hreinan meirihluta, var ekki um annað að gera vegna eilífra ofsókna að leggja flokkinn niður.
Það er vissulega stórfurðulegt að í þessu svokallað "lýðræði" virðist vera vandmeðfarið að koma með ferskar nýjar hugmyndir. Möppudýrin sem sitja sem áksrifendur að launaseðlum sínum á kostnað skattborgara og kalla sig borgarstjórnarfólk leggjast alfarið gegn góðum hollum vindum í kerfinu.

Formúluflokkurinn kveður með söknuði fylgjendur sína og óskar almenningi velfarnaðar á komandi sumri.

kv.

Torfi Stefán Jónsson charman and chief executive of propaganda

Tilkynning!

2005-11-18T10:38:00.000-08:00

Sigurjón Ólafsson hefur verið kjörinn nýr fyrirliði Formúluflokksins! Við óskum honum til hamingju og von um velfarnað í nýju starfi fyrir flokkinn.

kv.
stjórnin.

Hvað með flugvöllinn!

2005-11-18T10:23:00.000-08:00

Undirritaður er einstaklega ánægður með að DV hafi veitt ljósi sínu og athygli að flokknum okkar. Talsmaður vor, hinn ágæti Torfi komst stundum vel að orði en þó má gera betur. Greinilegt var að hann var að miðla sínum eigin persónulegu skoðunum en ekki flokksins þegar spurt var hvað yrði um flugvöllinn.
Hinn ágæti Ásgeir a.k.a. geiri töff, hefur viðrað sína mjög svo góðu og frammúrstefnilegu hugmynd um flugmóðurskip. Eitthvað sem myndi vekja mikli athygli á okkar ágætu borg.
Svar Torfa um að flugvöllurinn ætti að fara til Keflavíkur er alls ekki ásættanlegt svar, sérstaklega þegar miðað er við grunnmarkmið flokksins að fá fleiri og betri störf til Reykjavíkur. Flutningur vallarins myndi stórlega hafa áhrif á fjölda starfa, einnig möguleika þeirra sem búa hér á höfuðborgarsvæðinu og stunda æfingaflug. Þá er ég ekki enn kominn á afleiðingarnar flutnings vallarins fyrir landsbyggðina.
Það að fá Formúluna í Vatnsmýrina á ekki bara að koma í staðinn fyrir flugvöllinn heldur á völlurinn að vera þarna áfram. Yrði þetta verkfræðilegt verkefni að satmvinna þetta tvennt saman. Þar komum við að samkeppninni og hópverkefni fyrir verkfræðideildir HR og Hí.
Talsmaður flokksins þarf því að vera meðvitaður um muninn á stefnu flokksins og eigin skoðunum, við viljum sem flestar skoðanir en megum aldrei gleyma hagsmunum Reykjvíkur.
Við skulum því fá keppnisbrautina í mýrina og halda vellinum. Halda sem flestum störfum hér og efla borgina. Til þess erum við!

kv.
Þorlákur Jósefsson a.k.a. Þorri hör.
greinarhöfundur er stjórnarmeðlimur í framkvæmdastjórn Formúluflokksins.

Tilurð Formúluflokksins og tilkynningar!

2005-11-15T08:19:00.000-08:00

Heimsfrægð Formúluflokksins er orðin klár. Moggagrein sem hefur vakið landathygli og heilsíðugrein í hinu virta riti DV er það sem koma skal. Augu heimsins beinast að flokknum.

Flokkurinn sjálfur á sér hinar ýmsu sögur um hvernig hann varð til. Sumir segja að vitringarnir fimm hafi verið að labba niður eyðimörkina og séð stjörnu á himni er líktist formúlubraut og síðan kom flugvél.
Aðrir nefna að sjálfur Gabríel erkiengill hafi birst þeim í Ferrari jakka, með williams-bíl í í annari og flugvél í annari.
Þriðja útgáfan segir frá komu Nóa í örkinni (verndari víns að kaþólskum sið, enda gerðist hann vínbóndi eftir flóðið) í ákveðna sumarbústaðaferð, þar sem hann blessaði kollvit drengjanna með frábærum hugmyndum.

Önnur mál!

Þar sem ég (Torfi) er orðinn opinber talsmaður flokksins verð ég að leggja niður fyrirliðastöðu mína hjá flokknum, til að halda í valdadreifinguna, og er hún nú laus. Spurning um að halda kosningar í hana, legg útfærsluna á því í hendur herra Ásgeirs, ef hann vill.
Stjórnarformður tengslanets-ráðs Formúluflokksins er nú orðinn hann Markús, varð kosinn í það einróma á síðasta fundi. Til hamingju með það Markús. Menn sem þekkja menn segja að hann hafi bein sambönd í innsta hring Formúlunnar.
Aðrar stöður:
Ásgeir Einarsson er klárlega stjórnarformaður hugsanar-og hugmyndarráðs flokssins.
Björgvin Ólafssn er yfirmaður tækni-og útfærsludeildar flokksins.
Sigurjón er þar með orðinn líklegur kandídat sem fyrirliðinn í Formúluflokknum.

kv.

Talsmaðurinn

Lifi Formúlan!

Hugmynd að brautarstæði

2005-11-11T07:04:00.000-08:00

LIFI FORMÚLUFLOKKURINN

2005-11-11T01:19:00.000-08:00

Að fylgja eftir!

2005-11-07T04:40:00.000-08:00

Nú þurfum við að vera fljótir til og fylgja eftir góðri grein og einhver sem er með photoshop-græjur að fixa inn svo sem eina formúlubraut á rvk-flugvöll.

Greininni hefur annars verið vel tekið og nýliðun flokksins er í hámarki!

Lifi Formúlan!

Lausn allra vandamála!

2005-10-09T09:55:00.000-07:00

Flugmóðurskip.

kostir: hægt að staðsetja eftir hentugleika, töff

ókostir: engir

Hræðsla?

2005-09-24T11:48:00.000-07:00

Nú titrar allt og nötrar í hinu pólitíska lífi Reykjvíkursvæðisins. Varla er það tilviljun að það gerist eftir að Formúluflokkurinn varð til. Nei það held ég nú ekki. Heimdellingar eru komnir í hár saman og rífast í formanni sínum, greinilega ekki bjartsýni þar vegna ástand mála. VG heldur forval en stillir ekki upp lista eins og venjulega. Greinilegt að allir flokkar reyna að stefna að sem mestu pop up- vinsældarlistum eins og völ er á. Allt hefur þetta gerst með tilurð hins lýðræðislega og ört sívaxandi Formúluflokki.

Kæru liðsfélagar, framtíðin er okkar því við höfum Formúluna.

Lifi Formúlan!

Legg til!

2005-09-20T04:03:00.000-07:00

Ég legg til að við höfum ekki formann heldur munum við kalla stöðuna fyrirliði. Þannig munum við líta meira á okkur sem sterkan og samhentan hóp sem tekur sig saman um einn fyrirliða. Þetta gamla formannshugtak er auðvitað ekkert annað en kúgunartæki sem sauðirnir velja yfir sig því þeir eru hræddir við eigið framtak.
Að vera Fyrirliði gefur meira eins og áður segir að við erum sterkt lið sem vinnur saman að settu marki...að því að fá Formúluna á flugvöllinn.
Það er einmitt gallinn við hið hefðbundna flokkafyrirbæri að þar er ávallt dauðir starkfskraftar sem gegn þeirra vilja hafa neyðst að skrá sig í flokkinn. Þeir hafa síðan þurft að horfa upp á það að einhver ómögulegur sé kosinn í þessu gervilýðræði sem lýðst innan þessara flokka. Við segjum nei!
Látið liðið ráða, fylkjum okkur saman og treystum á þann sem hentar best hverju sinni, það þarf ekki alltaf að vera sami fyrirliðinn stanslaust í tvö-fjögur eða fjórtán ár. Nei, við erum Lið nýrra tíma. Við erum Formúlan

Lifi Formúlan!

Morgunblaðið sér ljósið

2005-09-18T11:41:00.000-07:00

Það er nú í frá sögur færandi þegar rótgrónasta blað landsins, Morgunblaðið, sér ljósið og styður málsstað hins rísandi afls. Það leið ekki á löngu eftir að vefmálgagn Formúlunnar leit dagsins ljós og bannaði fyrirhugaðar færslur á vellinum að mogginn fjallar um málið. Þar er fjallað um að það eru í kringum 400 störf tengd flugvellinum í Reykjavík. Og þetta vill fólk bara flytja eins og ekkert sé. Formúlan kom nú strax auga á þetta. Enda erum við flokkur framsýni og metnaðar. Að hugsa sér að stjórnmálamenn vilji rífa upp störf fólks og fltyja sovna óforvandis. Þetta er skömm.
Þetta er enn eitt dæmið þar sem lítið fólk í stórum stólum ætlar að taka atvinnu og tækifæri burt frá hinum almenna manni.
Með Formúlubraut má enn halda þessum störfum og síðan byggja ofan á þennan grunn. Fleiri störf meiri spennu og meiri hraða.

Lifi Formúlan.

Allt í vinnslu

2005-09-15T05:29:00.000-07:00

Það er geypilegur kraftur í flokknum og þessi kraftur er að smitast út í þjóðfélagið. Það er ekki skemmst að minnast en í gærkvöldi var umræðuefnið Vatnsmýrin og flugvöllurinn þar. Ekki kom á óvart að duglausir embættismenn þjóðarinnar eru enn fastir við sama heygarðshornið og sjá ekki þau ótrúlegu tækifæri sem Formúlan hefur séð.
En nú er vissulega mikið nýjabrum á flokknum, krafturinn sem meðlimirnir hafa má ekki brenna út. Vinnan gengur vel og enn höfum við nógan tíma til kosninga. Reyndar höfum við byrjað okkar málefnavinnu mun fyrr en aðrir flokkar sem eru annaðhvort bundnir við prófkjör eða innbyrðis karp. Formúlan er flokkur einingar og þessi eining mun og skal fara út í samfélagið. Þar sem við leggjum áherslu á einstaklingsframtakið og traust á náunganum undir dyggri stjórn okkar.
Það er greinilegt að við munum þurfa styrktaraðila í þessa herferð. Það er eitt af því sem þarf að vinna og vinna hratt en vel...alveg eins og þeir gera í formúlunni.

Lifi Formúlan

Áróður!!

2005-09-14T04:45:00.001-07:00

Samkvæmt lögum um framboðsmál í sveitarfélögum þurfum við minnst 160 meðlændur í sveitarfélagi sem hefur 50.001 og plús. Meðmælendur þurfa að vera búsettir í Reykjavík. Þyrftum samt helst að ná í ögn fleiri svona til öryggis þar sem fólk mun örugglega reyna draga úr trúverðugleika okkar.

Verðum fastlega að passa okkur á því að fá ekki einhvern friður2000 stimpil í fjölmiðlum og alls ekki að fara í DV, þá verðum við álitin skrýtin. Það er slæmt að segja það en við verðum að reiða okkur á íhaldssnepilinn(moggann) en brátt getum við stofnað okkar eigið málgagn með peningum úr Símasölunni. Tel ég að einn milljarður (jafn há upphæð og geðveikir fá og líka stofnun íslenskra fræða) ætti að duga til að byrja með. Þyrftum að fá nafn á málgagni okkar.

Áróður!!

2005-09-14T04:45:00.000-07:00

Hvað skal gera?

2005-09-13T08:15:00.000-07:00

Greinar eru í vinnslu og er það góð regla að birta þær ekki fyrr en góð fínpússing hefur farið fram.
Á stofnfundi Formúluflokksins sátu eftirtaldir:
Björgvin Ólafsson
Margrét Markúrsdóttir(ljósmyndari flokksins)
Markús ?
Sigurjón Ólafsson
Torfi Stefán Jónsson

Ásgeir Einarsson mun síðan bætast við stofnhópinn. Ásgeir hefur strax tekið að sér að lesa yfir grein mína og lagfæra áður en hún verður send til morgunblaðsins.
Nú er spurning hverjir vilja verða skrifaðir undir hana og vantar þá myndir með.

Ég (Torfi) ætla að kynna mér framboðsmál hér í Reykjavík. Hversu margar undirskriftir þarf og þar fram eftir götunum.

Aðalmóttó flokksins er að nýta þá peninga sem fengust fyrir landsímann og fá formúluna í Reykjvík.

Stofnun

2005-09-12T11:40:00.000-07:00

Hér mun rísa upp mikilfengleg heimasíðan (þar til önnu betri verður gerð) fyrir hinn mikla flokk framfara og stórra hugmynda. Þar sem ekki verður tekið tillit til fólks...heldur hugmynda. Við eltum ekki skoðanakannanir við eltum hugann.